Position: Departementele Voorsitter
Tel: +21 959 2112/3

Biografie

Prof. Steward van Wyk is professor en voorsitter van die departement Afrikaans en Nederlands aan die Universiteit van Wes-Kaapland. Hy behaal sy doktersgraad in 1999 met ’n  proefskrif getitel Adam Small: Apartheid en Skrywerskap. Hy doseer Afrikaanse letterkunde en doen navorsing oor postkoloniale letterkundes in Afrikaans en Nederlands.

Hy is die voorsitter van die Jan Rabie en Marjorie Wallace Bestuurskomitee en dien op die raad van die Afrikaanse Taalmuseum en –monument asook op die direksie van die Stigting vir Bemagtiging deur Afrikaans (SBA) en die Helpmekaar Studiefonds (HSF).

Hy is mede-samesteller (saam met Sonja Loots) van Die nuwe Afrikaanse Prosaboek wat in 2018 deur Human en Rousseau gepubliseer is. Hy is die ontvanger van verskeie toekennings onder andere die 2017 Sarton Medalje van die Universiteit van Gent in België.

Publikasies

• Narrating the past: Reflections on recent Black Afrikaans writing. Tydskrif vir Letterkunde 55 (1): 70-
• 80, 2018
• Spore in die sand, oftewel regionale literatuur en aktualiteit: ’n perspektief uit enkele Noord-Kaapse
• tekste. Tydskrif vir Nederlands en Afrikaans, 25 (1):76-86, 2018.
• Adam Small se identiteitskonstrukte. In: Adam Small: Denker, Digter, Dramaturg. J van der Elst (ed.).
• Protea Boekhuis, 2017.
• Wai Nengre:’n verdere ondersoek na tendense in die letterkundes van drie voormalige Nederlandse
• kolonies. Tydskrif vir Letterkunde, 52 (2): 35-47, 2015.
• Moord en muitery: Die verhaal van ’n slaweskip in twee jeugromans. Tydskrif vir Nederlands en Afrikaans, 22 (2): 60-70, 2015.

Position: Senior Lektor
Tel: +27 21 959 2362

Biografie

Dr Donovan Lawrence is ‘n Senior Lektor in Taalkunde in die Departement Afrikaans en Nederlands aan die Universiteit van Wes-Kaapland.

Sy loopbaan as hoërskool Afrikaansonderwyser begin in 1988 waarna hy doseer aan ‘n onderwyskollege en verskeie universiteite insluitend Unisa, Wits en UJ. Sy voorgraadse en nagraadse kwalifikasies in Afrikaans verwerf hy aan die Universiteit van Wes-Kaapland en die Universiteit van Johannesburg. Dit sluit in ’n BA in 1986; ‘n Hoër Onderwysdiploma in 1987; ‘n Honneursgraad in Afrikaans in 1993; ‘n MA (Cum Laude) in 1998 en ‘n PhD in 2004. Sy doktorale proefskrif handel oor: Rekenaargebruik vir die aanleer van Afrikaans.

Donovan is tans Umalusi se nasionale, eksterne eksaminator vir Afrikaans EAT en TAT matriekvraestelle. Hy is ook die skrywer van verskeie navorsingsartikels en medeskrywer van die boek Afrikaansmetodiek deur ‘n nuwe bril wat in 2014 verskyn het.
                                                   

Publikasies

• Saal, E. & Lawrence, D. 2019. “Ons skryf soos ons praat”: Informalisering van geskrewe Afrikaans onder Afrikaanse tieners. Litnet Akademies 16/1. https://www.litnet.co.za/ons-skryf-soos-ons-praat-informalisering-van-geskrewe-afrikaans-onder-afrikaanse-tieners/
• Lawrence, D. 2016. Students’ Experiences of Using Mobile Phones for Afrikaans Vocabulary Development.  Journal for Language Teaching 50/1: 79 – 101.
• Lawrence, D., Le Cordeur, M., Van Oort, R., Van der Vyver, C., Lombard, E & Van der Merwe, L. 2014. Afrikaansmetodiek deur ‘n nuwe bril. Kaapstad: Oxford University Publishers.  
• Lawrence, D. 2009. CALL and the development of reading skills: bridging the gap between theory and practice. Journal for Language Teaching 43/2.

Position: Deeltydse Dosent

Biografie

Eloise Fortuin het MA grade verwerf aan die UWK en Oslo Metropolitan University in Finland. Sy bied die departement se dienskursusse in die Fakulteit Wetenskappe en Gemeenskapsgesondheid aan en doseer ook in die B.Ed kursusse van die Fakulteit Opvoedkunde.

Position: Deeltydse Dosent

Biografie

Valda Jansen is die skrywer van die roman Hy kom met die skoenlappers wat in 2017 met die Jan Rabie-Rapport-prys vir debuutfiksie bekroon is. Sy is ook die ontvanger van die Jan Rabie-en-Marjorie Wallace-skrywersbeurs vir 2020.

Position: Postdoktorale Genoot

Position: Administratiewe Beampte
Tel: +21 959 2112/3

Biografie

Janine Pekeur is die administratiewe beampte van die departement en ’n ingeskrewe PhD student in die fakulteit.